Պենտագոնի զեկույցը` սեռական ոտնձգությունների վերաբերյալ

Պենտագոնը զեկույց է պատրաստել զինվորականների շրջանում սեռական ոտնձգությունների թվի աճի վերաբերյալ: Փաստաթղթում նշվում է, որ 2012 թվականին սեռական ոտնձգությունների` բռնաբարությունների եւ նսեմացնող սեռական շփումների թիվը կազմել է 26 հազար:

Վերջերս Պենտագոնի օդուժի փոխգնդապետ` 41-ամյա Ջեֆրի Կրուսինսկին աշխատանքից ազատվել է այն բանի համար, որ զինվորական մի կնոջ հանդեպ սեռական ոտնձգություն է կատարել` ձեռք տալով նրա կրծքերին:

Օբաման իր ելույթներից մեկում հայտարարել է, որ նման դեպքերը «չեն ներվում, դրանք անընդունելի են, եւ վերջակետ»: «Նրանք պետք է հաշվետու լինեն իրենց արարքների համար: Դուրս շպտվեն աշխատանքից»,- ասել է նախագահը: Ըստ նրա` սեռական ոտնձգությունները վտանգ են ներկայացնում եւ մեծագույն հանցանքն են. տեղեկացնում է Reuters-ը: