Մենք պարտավոր ենք փակել Գուանտանամոն. Բարաք Օբամա

Գուանտանամոյի բանտը հակասում է ԱՄՆ արժեքներին եւ երկրին վնաս է հասցնում. հայտարարել է ԱՄՆ նախագահ Բարաք Օբաման` ելույթ ունենալով Սպիտակ տանը: Նա կոչ է արել վերսկսել այդ ռազմական բանտը փակելու մասին քննարկումները:

«Ես համոզված եմ, որ մենք պարտավոր ենք փակել Գուանտանամոն: Կարծում եմ` մեզ համար չափազանց կարեւոր է հասկանալ, որ ԱՄՆ անվտանգության ապահովման համար պարտադիր չէ նման հիմնարկ ունենալ: Դա մեծ գումարներ է պահանջում, դրա առկայությունն արդյունավետ չէ եւ վնաս է հասցնում միջազգային ասպարեզում մեր վարկանիշին: Գունատանամոն պետք է փակվի»,- ընդգծել է նախագահը:

Այդ հարցը պետք է համաձայնեցվի Կոնգրեսի հետ: Օբաման հույս է հայտնել, որ օրենսդիրները կօգնեն իրեն երկարաժամկետ նոր ծրագիր մշակել ահաբեկչության մեջ կասկածվողների բանտարկության վերաբերյալ:

Գուանտանամոն ստեղծվել է Ջորջ Բուշ-կրտսերի օրոք` 2011-ի սեպտեմբերի 11-ի ահաբեկչության մեջ կասկածվողներին պահելու համար: Այն հայտնի է դարձել բանտարկյալների իրավունքների լիակատար խախտմամբ, ծանր պայմաններով, կտտանքներով, որոնք կիրառվել են հատուկ ծառայությունների կողմից` տվյալներ ձեռք բերելո համար: Ի դեպ, փետրվարի 10-ից բանտարկյալների կեսից ավելին հացադուլ է հայտարարել: