Մոսկվայի դատավորը ազատվել է պաշտոնից

Մոսկվայի դատավորներից Սվետլանա Գերասիմովան դիմում է գրել աշխատանքից ազատվելու համար: Բանն այն է, որ քաղաքացիների կողմից մեծաթիվ բողոքներ են եղել նրա` դատավորին ոչ հարիր պահվածքի, էթիկայի խախտումների հետ կապված. տեղեկացնում է РИА Новости-ն:

Մոսկվայի դատական խորհրդի էթիկայի հանձնաժողովը քննել է քաղաքացիների կողմից ստացված բազմաթիվ բողոքները Սավելեւյան դաշնային դատարանի դատավորի մասին: Այդ դիմումներում, մասնավորապես, նշվում էր, որ դատավոր Սվետլանա Գերասիմովայի նիստերը սկսվել են մի քանի ժամ ուշացումով, իսկ գործի նյութերը ճիշտ ժամանակին չեն հանձնվել համապատասխան գրասենյակին:

Իսկ գործերից մեկի քննությունն արդեն 2.6 տարի է` շարունակվում է, և այս ընթացքում ընդամենը երեք նիստ է անցկացվել, սակայն այդպես էլ գործի բուն քննությանը չեն հասել:
Նշվում է նաև, որ դատավորը էթիկապես իրեն սխալ է պահել, դատավորին անհարիր վարք է դրսևորել կողմերի հանդեպ: