ՀՕՊ–ն այս գիշեր 36 ուկրաինական ԱԹՍ է ոչնչացրել ՌԴ տարածքում. ՊՆ

 Ռուսական հակաօդային պաշտպանության համակարգերն այս գիշեր 36 ուկրաինական անօդաչու սարք են խոցել Ռուսաստանի մարզերում։ Տեղեկությունը հայտնում է ՌԴ պաշտպանության նախարարությունը։

«26 ԱԹՍ ոչնչացվել է Բելգորոդի մարզի տարածքում, 4–ը՝ Վորոնեժի, 3–ական` Լիպեցկի և Նիժնի Նովգորոդի մարզերի տարածքում», - ասված է հաղորդագրության մեջ:

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Մարտական գործողություններն ընթանում են մինչ օրս։

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։