Րաֆֆի Հովհաննիսյանը հերքում է Արզումանյանի հայտարարությունը

Այսօր Panorama.am-ի հետ զրույցում ՀՀ նախագահի աշխատակազմի ղեկավար Արմեն Արզումանյանն ասել է, որ երեկ զանգահարել է Րաֆֆի Հովհաննիսյանին` Սերժ Սարգսյանի հետ հանդիպման պաշտոնական հրավերը փոխանցելու համար, սակայն Հովհաննիսյանը մերժել է:

Քիչ առաջ Րաֆֆի Հովհաննիսյանը Ազատության հրապարակում մի խումբ լրագրողների ներկայությամբ հայտարարեց, որ լուրը չի համպատասխանում իրականությանը: «Հերթական անգամ նրանք ստի և կեղծիքի մեջ են թաթախվում»,- հայտարարեց նա` հավելելով, որ ինքը պատրաստ է  ցանկացած օր, ցանկացած ժամի հանդիպել Սերժ Սարգսյանի հետ:

«Ապրիլի 9-ին ժողովուրդը կստանա իշխանությունը: Ես տեր եմ իմ բոլոր խոսքերին` ինչպես հացադուլի, այնպես էլ Սարգսյանի հետ խոսելու: Պատրաստ եմ տղամարդը տղամարդու հետ հանդիպել ու խոսել Սերժ Սարգսյանի հետ»,- նշեց նա: