Պենտագոնը վստահեցնում է, որ թալիբների հետ չի բանակցում

ԱՄՆ պաշտպանության նորանշանակ նախարար Չակ Հեյգելը, որը պաշտոնական այցով Աֆղանստանում է, վստահեցրել է, որ ամերիկյան իշխանությունները միակողմանի բանակցություններ չեն վարում «Թալիբան» շարժման հետ:

«Ես նախագահ Համիդ Քարզային ասել եմ, որ ԱՄՆ-ը չի աշխատում թալիբների հետ` միակողմանիորեն: Խաղաղության հաստատման կամ քաղաքական կարգավորման ցանկացած հեռանկար պետք է վերահսկվի հենց աֆղանների կողմից»,- ընդգծել է Հեյգելը:

Ավելի վաղ Աֆղանստանի նախագահ Համիդ Քարզայը ԱՄՆ իշխանություններին մեղադրել էր, իրենց շրջանցելով, թալիբների հետ բանակցություններ վարելու մեջ:

Թալիբների ներկայացուցիչ Զաբիուլա Մուջահիդը նույնպես հերքել է Քարզայի հայտարարությունը` ընդգծելով, որ բանակցությունների դադարից հետո որեւէ առաջընթաց չի եղել: