Սահակաշվիլին չի պատրաստվում լուծարել կառավարությունը կամ խորհրդարանը

Վրաստանի նախագահ Միխեիլ Սահակաշվիլին վստահեցնում է, որ իր ծրագրերում չկա կառավարության կամ խորհրդարանի լուծարումը: «Այդ խոսակցությունները չեն համապատասխանում իրականությանը»,- հայտարարել է նա լրագրողներին վարչապետ Բիձինա Իվանիշվիլիի հետ հանդիպումից հետ. տեղեկացնում է Интерфакс-ը:

Սահակաշվիլիի խոսքերով` երկրի նոր կառավարությունն ընտրվել է ժողովրդի կողմից, եւ այն այնքան էլ երկար չի աշխատել` լիարժեք ադեկվատ գնահատական ստանալու համար: «Հետեւաբար բոլոր խոսակցությունները, թե պատրաստվում եմ լուծարել կառավարությունը, պետք է դադարեցնել»,- ասել է նախագահը:

Սահակաշվիլին նշել է, որ վարչապետի հետ հանդիպման ժամանակ ներկայացրել է իր կարծիքը համատեղ գործունեության վերաբերյալ: Ըստ նրա` իրենք թեեւ հիմնավոր հակառակ դիրքորոշումներ ունեն, սակայն նման հանդիպումները անհրաժեշտ են: