Երբ ԲՀԿ-ին մեղադրում էին կառավարության դեմ խաչակրաց պատերազմ սկսելու մեջ

ԱԺ հայտարարությունների ժամին ԱԺ ԲՀԿ խմբակցության քարտուղար Նաիրա Զոհրաբյանն ընդգծեց, որ դահլիճում հնչած որոշ ելույթներն իրեն մտովի տեղափոխեցին ՍՄԿԿ շրջանի խորհրդարան, «քանի որ քծնանքից, շողոքորթումից բացի, ուրիշ ոչինչ չլսեց»:

ԲՀԿ-ական պատգամավորը հայտարարեց, որ համաձայն չէ, որ երկրում ընտրություններից հետո է ստեղծվել լրջագույն ծայրահեղ իրավիճակ: Այն, ըստ ԲՀԿ-ական պատգամավորի, բավականին երկար ժամանակ է` կա: «Երբ ԲՀԿ-ն բազմիցս բարձրաձայնում էր այդ մասին, մեզ շատերը մեղադրում էին կառավարության և նրա ղեկավարի դեմ խաչակրաց պատերազմ հայտարարելու մեջ: Ոչ ոք արժանի չէ, որ ԲՀԿ-ն պատերազմ հայտարարի նրան»,- հայտարարեց Զոհրաբյանը: