Սպիտակ տունն արձագանքել է Խոջալուի դեպքերի վերաբերյալ ստորագրահավաքին

Սպիտակ տունն արձագանքել է իր կայքում Խոջալուի դեպքերի վերաբերյալ ադրբեջանական կողմի ձեռնարկած ստորագրահավաքին:

Սպիտակ տան կայքում` ստորագրահավաքների բաժնում, տեղադրվել է հետևյալ հաղորդագրությունը. «Միացյալ Նահանգները խորը ափսոսանք է հայտնում Ադրբեջանի և Հայաստանի միջև պատերազմի ընթացքում զոհերի կապակցությամբ: Դա մեզ հիշեցնում է, որ Լեռնային Ղարաբաղի հիմնախնդրի ռազմական լուծում լինել չի կարող, և որ միայն խաղաղ կարգավորումը կարող է տարածաշրջանում կայունություն, հաշտություն և բարգավաճում հաստատել: Որպես ԵԱՀԿ ՄԽ համանախագահող երկիր` ԱՄՆ-ը հակված է երկու երկրների հետ համագործակցության` խաղաղության հասնելու համար»:

Հայտարարության մեջ նշվում է, որ ԱՄՆ նախագահի կողմից այս թեմայի վերաբերյալ հայտարարություն չի լինելու: