Մոսկվան կարտաքսի 60 ամերիկացի դիվանագետների. Սպիտակ տունն արձագանքել է

ԱՄՆ իշխանությունները կանխատեսում էին, որ Մոսկվան կարտաքսի 60 ամերիկացի դիվանագետների: Այդ մասին ասվում է Սպիտակ տան պաշտոնական հայտարարությունում. հայտնում է Корреспондент-ը:

Ըստ Սպիտակ տան` Մոսկվայի որոշումը նշանակում է ռուս-ամերիկյան հարաբերությունների հետագա վատթարացում: Ըստ ամերիկյան կողմի` Մոսկվան որոշել է մեկուսացնել իրեն:

Նշենք, որ այդ քայլն արվել է ի պատասխան ԱՄՆ-ի` 60 ռուսաստանցի դիվանագետների արտաքսելու որոշման` կապված ռուս նախկին լրտես Սերգեյ Սկրիպալի թունավորման գործի հետ: ԱՄՆ-ը գնացել էր այդ քայլին` ի նշան համերաշխության Լոնդոնի հետ, որը Մոսկվային է մեղադրում Սկրիպալի թունավորման մեջ: