Սպիտակ տունն առաջ է տանելու Սիրիային հարվածելու անհրաժեշտության գաղափարը

Սպիտակ տունը մտադիր է ԱՄՆ-ում առաջ տանել Սիրիային հարված հասցնելու անհրաժեշտության գաղափարը: Այդ մասին լրագրողներին Օբամայի՝ Սանկտ Պետերբուրգից մեկնած ինքնաթիռում հայտնել է ԱՄՆ վարչակազմի մի բարձրաստիճան պաշտոնյա. հայտնում է РИА Новости-ն:

Նա հիշեցրել է, որ ՄԱԿ-ում ԱՄՆ մշտական ներկայացուցիչ Սամանտա Փաուերը ուրբաթ օրը հանդես է եկել հայտարարությամբ, որում կոչ է արել աջակցել Սիրիայի դեմ ռազմական գործողություններին:

Նա նաև ավելացրել է, որ Սպիտակ տանը Կոնգրեսի անդամների համար գաղտնի ճեպազրույց է կայացել, նրանք պետք է մտածեն Օբամայի՝ ռազմական գործողություններին հավանություն տալու առաջարկի շուրջ: