Վանաձոր ՔԿՀ-ում կալանավորը շարունակում է հացադուլը

Փետրվարի 5-ից «Վանաձոր» ՔԿՀ-ում հացադուլ հայտարարած կալանավոր Սլավիկ Մխիթարյանի վիճակն առայժմ կայուն է: Այս մասին yerkir.am-ին հայտնեց ՀՀ արդարադատության նախարարության հանրային կապերի պատասխանատու Գոռ Ղլեչյանը` հավելելով, որ կալանավորի հետ պարբերաբար զրուցում են հոգեբանները և հորդորում` դադարեցնել հացադուլը:

Մխիթարյանն, ով մեղադրվում է դիտավորությամբ առողջությանը ծանր վնաս պատճառելու և խուլիգանության մեջ, դժգոհում է իր քրեական գործի նախաքննությունից և պնդում, որ որևիցե առնչություն չունի իրեն առաջադրված մեղադրանքների հետ:

Ի դեպ, Սլավիկը ժամանակին հոգեկան հիվանդության պատճառով ազատվել է զինծառայությունից: