Բրիտանացիները Աֆղանստանից կհեռանան Ուզբեկստանի տարածքով

Մեծ Բրիտանիան Ուզբեկստանին անհատույց կտրամադրի Leyland DAF բեռնատարներ եւ Land Rover ավտոմեքենաների պահեստամասեր Աֆղանստանից ուզբեկական տարածքով բրիտանական ռազմական տեխնիկան եւ սարքավորումները դուրս բերելու համար. հայտնել է Մեծ Բրիտանիայի պաշտպանության նախարար Ֆիլիպ Համոնդը խորհրդարանին ուղղված գրավոր հայտարարության մեջ. տեղեկացնում է rosbalt-ը:

Մի քանի օր առաջ բրիտանական ԶԼՄ-ները գրել էին, որ տարանցումն ապահովելու համար Լոնդոնը պատրաստ է Տաշքենդին էժան գներով ռազմական սարքավորումներ նվիրել կամ վաճառել, սակայն գրավոր հայտարարության մեջ զենքի մասին խոսք չկա:

Նախարարը տեղեկացրել է, որ տարանցման մասին պայմանագիրը Ուզբեկստանի խորհրդարանն արդեն վավերացրել է: Այն ուժի մեջ կմտնի Բրիտանիայում համապատասխան գործընթացներն ավարտելուց հետո: