Այս տարի կբեմադրվի ″Սայաթ-Նովա″ մյուզիքլը

Այս տարի Սունդուկյանի անվան թատրոնում կկայանա «Սայաթ-Նովա» մյուզիքլի բեմադրությունը, որը կընդգրկվի հիմնական խաղացանկում. լրագրողների հետ հանդիպման ժամանակ, անդրադառնալով նախարարության 2013թ. աշխատանքներին, նշեց ՀՀ մշակույթի նախարար Հասմիկ Պողոսյանը:

Ըստ նախարարի` առաջիկայում ծրագրում են նաեւ Արամ Խաչատրյանի 100-ամյակին նվիրված միջոցառում իրականացնել, որը բաղկացած կլինի մի քանի մասից:

«Ծրագրի շրջանակներում նախատեսվում է նաեւ թողարկել Արամ Խաչատրյանի ընտրանուց բաղկացած սկավառակ, որը կներառի նաեւ կոմպոզիտորի կյանքի եւ գործունեության մասին պատմող` արտերկրում նկարահանված ֆիլմը»,- ասաց նախարարը:

Ի դեպ, այս տարի հանդիսատեսին կներկայացվի նաեւ հայ-ֆրանսիական բեմադրությամբ «Անուշ» օպերան, ինչպես նաեւ կստեղծվի «Հանրային ռադիոյի ոսկե ֆոնդ» անթոլոգիան: