Հայաստանը կաջակցի Ցեղասպանության մասին ֆիլմի նկարահանմանը

Yerkir.am-ը տեղեկացրել էր, որ 2015 թվականի ապրիլի 24-ին էկրան կբարձրանա հայ-ամերիկյան համատեղ ֆիլմ` նվիրված Հայոց ցեղասպանությանը:

Ֆիլմում նկարահանվել են աշխարհահռչակ դերասաններ Ալ Պաչինոն, Լեոնարդո դի Կապրիոն եւ Նատալի Պորտմանը: Ֆիլմի ռեժիսորն է Սեւադան, ում ֆիլմերը մասնակցել են Կաննի կինոփառատոնին: Պրոդյուսերներն են Գարի Թիթիզյանը եւ Ալան Կաթսը:

Հայաստանի ազգային կինոկենտրոնի տնօրեն Գեւորգ Գեւորգյանը yerkir.am-ի հետ զրույցում նշեց, որ Սեւադան ֆիլմը ներկայացրել է` Ցեղասպանության 100-րդ տարելիցին նվիրված միջոցառումների շարքում այն ընդգրկելու համար:

«Նմանատիպ 18-19 հայտ ունենք, որոնք դեռ պետք է քննարկենք: Սակայն, ի տարբերություն մյուս հայտերի, Սեւադայի հայտն այնքանով է լիարժեք, որ ֆիլմը ֆինանսավորում ունի: Պարզապես ռեժիսորը ցանկանում է, որ Հայաստանի մասնակցությունը լինի ֆիլմում»,- ասաց Գեւորգյանը եւ հավելեց, որ կանեն ամեն հնարավորը  ֆիլմի նկարահանման աշխատանքներին աջակցելու համար: