Պարույր Հայրիկյանին վիրահատարանից տեղափոխել են վերակենդանացման բաժին

Արդեն տեղեկացրել ենք, որ ժամեր առաջ Երեւանի Կենտրոն վարչական շրջանում` Տպագրիչների փողոցում, կրակել են ՀՀ նախագահի թեկնածու Պարույր Հայրիկյանի վրա: Նա «Սուրբ Գրիգոր Լուսավորիչ» բժշկական կենտրոնում է:

Նշենք, որ թեեւ լրատվամիջոցներով լուրեր էին շրջանառվում, որ Հայրիկյանի կյանքին վտանգ է սպառնում, բայց արդեն հստակ է, որ նրա կյանքին վտանգ չի սպառնում: Հայրիկյանին արդեն վիրահատարանից տեղափոխել են վերակենդանացման բաժին:

Հիվանդանոցում են մի շարք պաշտոնյաներ` ՀՀ վարչապետը, առողջապահության նախարարը, մի շարք պատգամվորներ, նախագահի թեկնածուներ Բագրատյանն ու Րաֆֆի Հովհաննիսյանը, Հայրիկյանի համախոհներն ու հարազատները: