Դանակահարված սիրիահային կրկին տեղափոխել են վերակենդանացման բաժանմունք

Նոյեմբերի 17-ին «Լոնդոն» բարում դանակահարված սիրիահայ երիտասարդներից մեկը` Շանթ Քոչյանը, երեկ դուրս է գրվել Առաջին համալսարանական հիվանդանոցից, նրա վիճակը բժիշկները գնահատել են նորմալ:

Yerkir.am-ի տեղեկություններով` մյուս դանակահարվածին` Րաֆֆի Բարդաքչյանին, այսօր կրկին տեղափոխել են հիվանդանոցի վերակենդանացման բաժանմունք: Բժիշկների խոսքով` Րաֆֆիին հանգիստ է հարկավոր, իսկ հիվանդասենյակում այցելությունները շատ են: Այսօր բժիշկները ռենգեն ուսումնասիրության են ենթարկել նրա թոքերը և պարզել, որ նրա կյանքին վտանգ չի սպառնում, սակայն միաժամանակ արձանագրել են, որ բավականին ժամանակ է անհրաժեշտ վերջնական ապաքինման համար:

Հիշեցնենք, որ Yerkir.am-ին ոստիկանությունից հայտնել էին, որ դեպքի առթիվ ոստիկանության Կենտրոնականի բաժնում նախաքննություն է ընթանում, նշանակվել է դատաբժշկական փորձաքննություն, հանգամանքները պարզվում են: