Երաժշտական ակադեմիա ունենալուն միայն տարածքն է պակասում

Հայաստանի պետական ֆիլհարմոնիկ նվագախմբի գեղարվեստական ղեկավար Էդուարդ Թոփչյանը դեռ 2012-ին նշել էր, որ ցանկանում է երաժշտական ակադեմիա հիմնադրել, որպեսզի լուծի ֆիլհարմոնիկի, ինչպես նաեւ այլ նվագախմբերի սերնդափոխության հարցը:

Yerkir.am-ի հետ զրույցում Թոփչյանը նշեց, որ ակադեմիայի հետ կապված բոլոր հարցերը լուծվել են, բացի մեկից` տարածքից: Ըստ Թոփչյանի` ֆիլհարմոնիկի երաժիշտների համար շատ դժվար կլինի փորձերից հետո գնալ, ասենք, Զեյթունում կամ էլ Հարավարեւմտյան թաղամասում դաս տալ:

«Ես անգամ հովանավոր գտա, սակայն տարածքի հարցն այդպես էլ չի լուծվում»,- ասաց նա:

Թոփչյանը նշեց նաեւ, որ ակադեմիայի բացման դեպքում համագործակցեին նաեւ երաժշտական դպրոցներից մեկի հետ, քանի որ փորձի փոխանակումը մեծ դեր է խաղում: