Բելառուսը դեմ չէ ՌԴ-ի հետ միասնական արժույթ ունենալուն, բայց...

Բելառուսը Ռուսաստանի հետ միասնական արժույթ ունենալուն դեմ չէ, բայց պնդում է, որ էմիսիոն կենտրոնի ստեղծման հարցում հավասարություն լինի: Այդ մասին հայտարարել է Բելառուսի նախագահ Ալեքսանդր Լուկաշենկոն. հայտնում է BBC Russian-ը:

Նա բացատրել է, որ, իր պատկերացմամբ, հավասարություն նշանակում է երկու երկրների շահերից բխող բոլոր հարցերի լուծում: Էմիսիոն կենտրոնը, ըստ Լուկաշենկոյի, պետք է լինի անկախ:

Բելառուսի և Ռուսաստանի դաշնակցային պետության ստեղծման մասին պայմանագիրը ստորագրվել է 1999-ին: Դաշինքի նախագիծը ենթադրում է միասնական քաղաքական, տնտեսական, ռազմական, մաքսային, արժութային և իրավաբանական տարածք: