Հաքերային հարձակում` Րաֆֆի Հովհաննիսյանի նորաբաց կայքի վրա

ՀՀ նախագահի թեկնածու, «Ժառանգություն» կուսակցության ղեկավար Րաֆֆի Հովհաննիսյանի նախընտրական քարոզարշավը ակտիվորեն իրականացվում է նաև էլեկտրոնային տիրույթում: Այսօր տեղի ունեցավ Րաֆֆի Հովհաննիսյանի պաշտոնական կայքի շնորհանդեսը: Կայքից բացի, գործում է նաև «Ֆեյսբուք» սոցիալական ցանցի մի քանի էջ: Թեև երեք օր է, ինչ գործում է կայքը, սակայն արդեն հաքերային հարձակման է ենթարկվել: Այն հնարավոր է եղել վերականգնել:

«Ժառանգություն» կուսակցության մամլո խոսնակ Հովսեփ Խուրշուդյանը yerkir.am-ի հետ զրույցում ասաց, որ այս պահին իրենց մասնագետն աշխատանքներ է տանում` պարզելու` ում կողմից է կայքը հարձակման ենթարկվել: Հնարավոր է` ադրբեջանցիների, սակայն բացառված չէ հայկական հաքերների տարբերակը: 

Նա նշեց նաև, որ Հովհաննիսյանի կայքը հետզհետե ակտիվություն է ստանում և լայն տարածում գտնում ֆեյսբուքյան օգտատերերի շրջանում: Իսկ քարոզարշավն, ըստ Խուշուդյանի, ընդհանուր առմամբ, շատ ինտերակտիվ է ընթանում, կապ կա ընտրողների հետ, նամակներ են ստանում: