Միքայել Մինասյանը գովազդով կզբաղվի, Կարեն Կարապետյանը` տնտեսվարող սուբյեկտներով

Արդեն տեղեկացրել ենք, որ նախագահական ընտրություններում ՀՀԿ շտաբի պետի տեղակալները հինգն են` Սերժ Սարգսյանի փեսան` Միքայել Մինասյանը, ՀՀԿ-ական պատգամավորներ Կարեն Կարապետյանը եւ Դավիթ Հարությունյանը, փոխվարչապետ Արմեն Գեւորգյանը եւ Լեւոն Յոլյանը:

Yerkir.am-ը ՀՀԿ փոխնախագահ Գալուստ Սահակյանին խնդրեց, ի վերջո, պաշտոնական պատասխան տալ, թե շտաբի պետի տեղակալներից ով ինչ գործառույթ է կոնկրետ կատարելու: Սահակյանը թեեւ սկզբում հայտարարեց, որ չի ասի, ընթացքում կերեւա` ով ինչ է անելու, բայց, այդուհանդերձ, «խոստովանեց»:

«Միքայել Մինասյանը քարոզչությամբ, գովազդով է զբաղվելու: Դավիթ Հարությունյանն իրավական հարցերն է կարգավորելու: Արմեն Գեւորգյանը համակարգելու է մարզային եւ գյուղական համայնքները: Յոլյանը զբաղվելու է հասարական կազմակերպություններով: Իսկ Կարեն Կարապետյանը տնտեսագիտական մասն է անելու, այսինքն` զբաղվելու է տնտեսվարող սուբյեկտներով, փոքր եւ միջին ձեռնարկություններով»,- նշեց նա: