Հովիկ Աբրահամյանը հողագործությամբ կզբաղվի

ԱԺ նախագահի եւ Երիտասարդական խորհրդարանի անդամների նախաձեռնությամբ` այսօր Եռաբլուրում ծառատունկ կազմակերպվեց: Ուշագրավ է, որ ԱԺ նախագահ Հովիկ Աբրահամյանը բավականին շատ ծառ տնկեց` թվով 16:

Yerkir.am-ի հարցին, թե չի՞ հոգնել, Աբրահամյանը պատասխանեց. «Հիմա Դուք տեսնում եք, որ նաեւ հողագործ եմ, որ թոշակի գնամ գործ կունենամ, անգործ չեմ մնա»:

ԱԺ նախագահը «ստիպեց», որ լրագրողներն էլ ծառ տնկեն կամ գոնե ջրեն:

Մեր հարցին, թե այդքան շատ ծառ տնկեց նաեւ մյո՞ւս պատգամավորների փոխարեն, ԱԺ նախագահը ի պատասխան կատակեց. «Դե ինչ անեմ, իմ բախտն էլ էդպես է բերել»:

Ի դեպ, ԱԺ նախագահը վերջում մեր թղթակցին վստահեցրեց նաեւ, որ չի հոգնել: