Ինչո՞վ կզբաղվի Արմեն Մովսիսյանը, եթե դարձյալ նախարար չդառնա

Թե ինչով կզբաղվի էներգետիկայի եւ բնական պաշարների նախարար դարձյալ չդառնալու դեպքում, Արմեն Մովսիսյանը չի որոշել: Այս մասին նա հայտնեց ԱԺ-ում:

Yerkir.am-ի դիտարկմանը, թե հնարավո՞ր է՝ բիզնեսով զբաղվի, շատերն են այդպես անում, Մովսիսյանը պատասխանեց. «Չեմ մտածել, ճիշտն ասած: Երբ որ նախարար չլինեմ, այն ժամանակ կմտածեմ»:

Սեփական աշխատանքը գնահատել նախարարը չցանկացավ՝ նշելով, որ ժողովուրդն է գնահատական տվողը:

Մեր այն դիտարկմանը, որ ամեն մարդ, ի վերջո, իր առջեւ հաշվետու է, նախարարի պաշտոնակատարը հակադարձեց. «Այն խնդիրները, որոնք ես իմ առջեւ դրել եմ, կատարել եմ»:

Ի դեպ, Մովսիսյանը նշեց նաեւ, որ գազի գնի փոփոխությունից դեռ նորություն չկա: