ԱՄՆ կրթօջախներում դարձյալ կրակում են

ԱՄՆ Քենտուկի նահանգի Հազարդ քաղաքի քոլեջում կրակոցներ են հնչել, ինչի հետևանքով զոհվել է 2 մարդ, վիրավորվել` մեկը. հայտնում է Reuters-ը: Կրակոցները հնչել են տեղական ժամանակով 16:30-ին: Կատարվածի մասին այլ մանրամասներ չեն հաղորդվում:

Իսկ երեկ` հունվարի 15-ին ,անհայտ անձը կրակ էր բացել Սենտ Լուիսի բիզնես-դպրոցներից մեկում: Հանցագործը վիրավորել էր դպրոցի աշխատակիցներից մեկին ու փորձել ինքնասպան լինել: Հանցագործը և նրա զոհը հոսպիտալացվել են: Այլ մասնրամասներ հայտնի չեն:

ԱՄՆ կրթական հաստատություններում կրակոցների մասին հայտնի է դարձել նախագահ Օբամայի վարչակազմի` զենքի մասին օրենքի խստացման վերաբերյալ առաջարկությունների հրապարակումից մի քանի ժամ առաջ: