Ամանորի անցուդարձ

Ուրեմն` մի անգամ Րաֆֆի Հովհաննիսյանը գնում է Քոքոբելյանի Նոր տարին շնորհավորելու...

***

Ասում են` Մհեր Արշակյանը Նոր տարուն գնացել է Մհեր Սեդրակյանենց տուն ու, չնայած պատգամավորի սպառնալիքներին, իր ծնոտով լավ էլ լուծել է բդի հարցը:

***

Կարեն Ավագյանենց շենքի երեխաները նրան մոտ չեն թողել պայթուցիկներին, ինչի արդյունքում Նոր տարվա գիշերն անցել է առանց փորձանքի:

***

Շարմազանովը շնորհավորել է Րաֆֆի Հովհաննիսյանի և Հրանտ Բագրատյանի Նոր տարին և մաղթել նրանց ազնիվ մրցակցություն 2-3-րդ տեղերի համար պայքարում:

***

Տարոն Մարգարյանը թղթերը տարել էր ԿԸՀ, որ առաջադրվի: Այնտեղ նրան ասել էին` Տարոն ջան, ինքդ էլ տեսնում ես, որ սիրուն չի...

***

ՀՀ նախագահի թեկնածուներից մեկը հայտարարել է, որ ինքը մտադիր է դաժան պայքար մղել հատկապես ՀՀԿ թեկնածուի դեմ և իր թեկնածությունը կհանի միայն Րաֆֆի Հովհաննիսյանի հետ երկրորդ փուլ անցնելու դեպքում: Երկար հարցուփորձից պարզվել է, որ այդ տարօրինակ թեկնածուն Ստեփան Սաֆարյանի աներձագն է:

***

ՃՈ ղեկավարների հայտարարությունը, թե Նոր տարվա օրերին բռնելու են խմած վարորդներին, պարզվեց` «ուտկա» էր: Արդյունքում բոլորն «օյաղ» մնացին, իսկ ոստիկանի հետք անգամ չկար ճանապարհներին: Լավ էլի, Վովա...

***

Գալուստ Սահակյանի տան հեռախոսը զանգում է:

-Այո՞

-Ալո... Ա՛ա՛ա՛ Գալուստ Գրիգորիչ, տա՞նն եք: Էս է, 5 րոպեից մտնում ենք ձեր տուն:

-Քանի՞ հոգով եք:

-Տասնյոթ...

-Քսան րոպե համբերեք, որ մեր ֆրակցիան էլ հավաքվի:

Վովա Գասպարյանի պատճառով «օյաղ» մնացած`

Էդիկ Անդրեասյան