Երևանի ՃՈ պետը Ամանորի գիշերն աշխատելու է

ՀՀ Ճանապարհային ոստիկանությունում դեկտեմբերից արդեն անցել են ակտիվ և ուժեղացված ռեժիմի:  Իսկ Ամանորի հետ կապված` ճանապարհները 24-ժամյա հսկողության տակ կլինեն: Այս մասին լրագրողների հետ հանդիպման ժամանակ հայտարարեց Երևանի ճանապարհային ոստիկանության պետ Արսեն Արշակյանը:

Նա կոչ արեց բոլոր վարորդներին տոների ընթացքում չխախտել երթևեկության կանոնները, չգերազանցել երթևեկության սահմանված արագությունը, նաեւ հայտնեց, որ ճանապարհային ոստիկանության Երևան քաղաքը սպասարկող գումարտակի 170 անդամները, այդ թվում` ինքը  Ամանորի գիշերը կհերթապահեն, նաեւ Հանրապետության հրապարակում:

Ըստ Արշակյանի ներկայացրած տվյալների` 2012-ի տասնմեկ ամիսների ընթացքում Երևանում տեղի է ունեցել 930 ճանապարհատրանսպորտային պատահար, զոհվել է 79, վիրավորվել 231 մարդ: Անցյալ տարվա դեկտեմբերի 24-ի դրությամբ ՃՏՊ-ները նվազել են 12-ով, մահվան ելքով դեպքերը՝ 5-ով, վիրավորները՝ 2-ով:

Արշակյանի խոսքով`  ներկայումս հանրապետությունում  43 արագաչափ է տեղադրված,  որոնցից 37-ը` մայրաքաղաքում: Տեսանկարահանող շարժական խցիկները 35-ն են: