Ասադի կառավարմանը կարճ ժամանակ է մնացել. Ֆրանսիայի ԱԳ նախարար

Սիրիայի նախագահ Բաշար Ասադի կառավարմանը քիչ ժամանակ է մնացել. ըստ France-Presse-ի` հայտարարել է Ֆրանսիայի արտգործնախարար Լորան Ֆաբիուսը` RFI ռադիոկայանին տված հարցազրույցում:

«Կարծում եմ, որ Բաշար Ասադի վերջը մոտ է։ Նման կանխատեսման համար հիմքերն ակնհայտ են՝ հաշվի առնելով Սիրիայում տեղի ունեցող իրադարձությունները։ Նույնիսկ Ռուսաստանն է հասկանում, որ դա շուտով տեղի կունենա»,- հայտարարել է Ֆաբիուսը։

Նախարարն նաև նշել է, որ ծայրահեղական տարրերի ուժեղացումը Սիրիայում կշարունակվի այնքան ժամանակ, քանի դեռ չի դադարել զինված հակամարտությունը: Ֆաբիուսի կարծիքով` Սիրիական ազգային կոալիցիան «լավագույն պաշտպանությունն է ծայրահեղականների դեմ»: