Բրիթնի Սփիրսը` տարվա ամենաբարձր վարձատրվող երգչուհի

Ամերիկյան Forbes ամսագիրը կազմել է տարվա ամենաբարձր վարձատրվող երգչուհիների ցուցակը: Այն այս տարի գլխավորում է հայտնի երգչուհի Բրիթնի Սփիրսը. նա այս տարվա ընթացքում վաստակել է 58 մլն դոլար: Շահույթի մեծ մասը ձեռք է բերել վերջին` «Ճակատագրական կին» ալբոմի  վաճառքից, ինչպես նաև սեփական օծանելիքի գովազդից. հայտնում է Дни.ру-ն:

Երկրորդ տեղում է Թեյլոր Սվիֆտը, որը վաստակել է 57 մլն դոլար: Եռյակը փակում է 24-ամյա տաղանդավոր երգչուհի Ռիհաննան, որի շահույթը կազմել է 53 մլն դոլար:

Իսկ Լեդի Գագայի գործերն այս տարի այնքան էլ լավ չեն. անցյալ տարվա առաջատարն այս տարի զբաղեցրել է 4-րդ հորիզոնականը` վաստակելով ընդամենը 52 մլն դոլար: