Ինչպե՞ս են ադրբեջանցիներն իրագործելու իրենց սպառնալիքը

ԼՂՀ կառավարությանն առընթեր քաղաքացիական ավիացիայի վարչության պետ Դմիտրի Ատբաշյանը չի պատկերացնում, թե ինչպես են ադրբեջանցիները պատրաստվում կատարել իրենց սպառնալիքը` «իջեցնել դեպի Ստեփանակերտ թռչող ինքնաթիռները». տեղեկացնում է novostink.ru կայքը:

Ըստ նրա` դա գործնականում անհնար է:  Ատբաշյանը նշել է, որ յուրաքանչյուր պետություն իրավունք ունի իր օդային տարածքով թռչող ինքնաթիռներին պարտադրել վայրէջք կատարել, եթե տվյալներ ունի դրանցում անօրինական բեռի առկայության մասին: Սակայն Երեւանից Ստեփանակերտ թռչող ինքնաթիռի դեպքում Ադրբեջանը ոչինչ անել չի կարող, քանի որ այն անցնում է Ադրբեջանի կողմից փաստացի չվերահսկվող, իսկ ԼՂՀ-ի կողմից գործնականում վերահսկվող տարածքով:

Բացի այդ` Ադրբեջանը միացել է միջազգային կոնվենցիային, որն արգելում է կործանել քաղաքացիական ինքնաթիռները: