ՀԱՅԿԱԿԱՆ ԺԱՄԱՆԱԿ. Իմիտացիայի զոհը

Թերթի տեղեկություններով` ՀՀ վճռաբեկ դատարանի նախագահ Արման Մկրտումյանի անունը ընդգրկված է ՀՀ իշխանությունների «գովազդային պաշտոնանկությունների» ցանկում եւ դառնալու է Սերժ Սսարգսյանի առաջիկա քավության նոխազներից մեկը:

Այս պաշտոնանկությունը իշխանական քարոզչությունը ներկայացնելու է կոռուպցիայի դեմ պայքարի իմիտացիայի շրջանակներում, որը հասունացնելու համար իշխանական օղակներին, այդ թվում` ՀՀ ՄԻՊ Կարեն Անդրեասյանին, հրահանգվել է հակամարտության մեջ մտնել Մկրտումյանի հետ: Այդ դեպքում Սերժ Սարգսյանը նրանից հրաժարականի դիմում պահանջելու հիմնավորված պատճառ կունենա:

Թերթի տեղեկություններով` Մկրտումյանն իմացել է վերահաս վտանգի մասին, եւ դա է պատճառը, որ չի արձագանքում իր հասցեին հնչող քննադատողներին, նույնիսկ` անձնական վիրավորանքներին: Մասնավոր զրույյցներում Մկրտումյանն ասում է, որ չի պատրաստվում պատասխանել իր հասցեին հնչած եւ հնչող հայտարարություններին, քանի որ չի ցանկանում, որ իրենով նախընտրական քարոզարշավ իրականացնեն: