Սեփական նախասիրության զոհը

Վերջերս ավանդույթ է դարձել կենդանիների` այս կամ այն պատճառով խաղադաշտում հայտնվելը: Ձեր ուշադրությանն ենք ներկայացնում օրերս պատահած այս արտասովոր դեպքը:

Կոլումբիայի ֆուտբոլի ֆեդերացիան  560 դոլարով տուգանել և  2 հանդիպումով որակազրկել է «Դեպորտիվո Պերեյրայի» պաշտպան Լուիս Մորենոյին, որը ազգային առաջնության հանդիպման ժամանակ ոտքով հարվածել է մարզադաշտի խոտածածկին քնած բուին, հայտնում է CNN-ը։

Վիրավոր թռչունը, որը Կոլումբիայի առաջնության «Ատլետիկո Ջունիոր» - «Դեպորտիվո Պերեյրա» հանդիպման ժամանակ հայտնվել էր խաղադաշտում, սատկել է: Բուն «Ատլետիկո Ջունիորի» խորհրդանիշն էր։ Ավելի ուշ Մորենոն ներողություն է խնդրել «Ատլետիկո Ջունիորի» երկրպագուներից։