Գյուղատնտեսության համախառն արտադրանքն աճել է 20.9 տոկոսով

Այս տարվա առաջին 9 ամիսներին Արցախում գյուղատնտեսության համախառն արտադրանքը, փաստացի գներով, կազմել է 29.2 մլրդ դրամ, ինչը 2010թ. նույն ժամանակահատվածի համեմատությամբ, համադրելի գներով, աճել է 20.9 տոկոսով: Այս մասին երեկ հրավիրած մամուլի ասուլիսի ժամանակ նշել է ԼՂՀ ազգային վիճակագրական ծառայության նախագահ Մանուշ Մինասյանը, ում խոսքերով, համախառն արտադրանքի աճը պայմանավորված է բուսաբուծության համախառն արտադրանքի 29.6 տոկոս աճով:

Համախառն արտադրանքի 31.1 տոկոսը կազմել է անասնաբուծության համախառն արտադրանքը եւ 68.9 տոկոսը՝ բուսաբուծությանը:

Վիճակագրական տվյալներով, հունվար-սեպտեմբերին գյուղատնտեսության համախառն արտադրանքի կառուցվածքում գերակշռող բաժինը` 40.9տոկոսը, պատկանում է հացահատիկի եւ հատիկաընդեղենի արտադրությանն է, 17.3 տոկոսը` կաթի, 9,7 տոկոսը` մսի: