Միքայել Մինասյանը ոչ թե վերահսկելու, այլ կոմպենսացնելու է Հ. Աբրահամյանին

Միքայել Մինասյանի հրաժարականն, ըստ էության, հրաժարական չէր, նա պարզապես նախագահականից գնաց շտաբ. այսօր լրագրողների հետ հանդիպման ժամանակ կարծիք հայտնեց քաղտեխնոլոգ Կարեն Քոչարյանը` հավելելով, որ եթե Միքայել Մինասյանը գնացել է շտաբ` մնալով նախագահականում, ապա Հովիկ Աբրահամյանը գնացել է շտաբ` չմնալով ԱԺ-ում:

«Եթե շտաբի պետ է նշանակվում Հովիկ Աբրահամյանը, որը նախկին սերնդի ներկայացուցիչ է, ապա արտաքին ուժերի աչքում շտաբը «աբլագառոդիտ» անելու խնդիր է առաջանում: Այլ կերպ ասած` Մ. Մինասյանի ֆակտորն այս պարագայում ազդակ է դրսի ուժերի համար»,- նշեց նա` հավելելով, որ Միքայել Մինասյանը գնացել է ոչ թե Հովիկ Աբրահամյանին վերահսկելու, այլ կոմպենսացնելու համար, որպեսզի շտաբը լրիվ չասոցացվի հնի հետ:

Թե որքանո՞վ կփոխվեն դրանից ընտրություններ անցկացնելու մեթոդները, ըստ փորձագետի, ցույց կտա ժամանակը: