Միասեռականությունն արգելող երկրներին Բրիտանիան չի օգնի

Բրիտանիայի վարչապետ Դեւիդ Քեմերոնը սպառնացել է այլեւս հումանիտար օգնություն չցուցաբերել այն երկրներին, որոնք արգելում են միասեռական կապերը. հաղորդում է BBC-ն:

Նման հայտարարություն Քեմերոնն արել է ավստրալական Պերտ քաղաքի հետ համագործակցությանը նվիրված հանդիպման ժամանակ, երբ մարդու իրավունքների պաշտպանության ոլորտում բարեփոխումների ծրագրերն են քննարկվել:

Քեմերոնի խոսքերով` այն երկրները, որոնց Բրիտանիայից օգնություն են ստանում, պարտավոր են հարգել մարդու իրավունքները, որոնցից մեկն էլ միասեռական կապերի վերաբերյալ արգելքի հանելն է:

Վարչապետը նշել է նաեւ, որ այդ երկրները կարող են կտրուկ չփոխել իրենց քաղաքականությունը, քանի որ դա «մի ամբողջ ճանապարհորդություն է»:

Նա ասել է, թե Բրիտանիայի հետ համագործակցող  54 երկրներից 41-ում գործում են միասեռականությունն արգելող օրենքներ:

Նշենք, որ Քեմերոնն այս տարվա հոկտեմբերին իր կուսակից պատգամավորներին կոչ է արել կողմ քվեարկել միասեռական ամուսնությունները թույլատրող օրինագծին: