ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ. ՊՆ-ում անցկացված փակ քննարկմանը մասնակցել է Սորոսի ներկայացուցիչը

«ՉԻ»-ն օրերս տեղեկացրել էր, որ ՊՆ-ում միմյանց դեմ են դուրս եկել պաշտպանության նախարար Սեյրան Օհանյանի առաջին տեղակալը Դավիթ Տոնոյանն ու փոխնախարար Վլադիմիր Գասպարյանը: Տեղեկացրել էինք, որ կոնֆլիկտը ծագել է այն բանից հետո, երբ նրանք իրար հակասող կարծիքներ են հայտնել իրավապաշտպանների գործունեության վերաբերյալ: Տոնոյանը իրավապաշտպաններին ասել էր, թե ինքը բարձր է գնահատում նրանց պրոֆեսիոնալիզը, իսկ Վլադիմիր Գասպարյանը իրավապաշտպաններին հրապարակավ որակել էր գրանտակերներ, ազգի դավաճաններ եւ անհայրենիքներ:

Մենք տեղեկացրել էինք նաեւ, որ բանակի գեներալիտետին հատկապես զայրացրել էր այն հանգամանքը, որ փոխնախարար Տոնոյանն այդ հանդիպման ժամանակ հանդուրժել էր, որ ներկա գտնվի նաեւ Սորոսի հիմնադրամի ներկայացուցիչը: