Արևելյան Եվրոպայում "Շախտյորն" առաջինն էր

Ուկրաինական «Շախտյորը» դարձավ առաջին ֆուտբոլային ակումբը Արևելյան Եվրոպայում, որը իր հանդիպումը հեռարձակեց Youtube-ում:

Հենց «Շախտյոր»-«Մետալիստ» հանդիպումն էլ դարձավ առաջինը: Հիշեցնենք, որ այդ խաղում դոնեցկյան ակումբը պարտվեց 1-2 հաշվով, և Հենրիխ Մխիթարյանը դարձավ իր թիմի միակ գոլի հեղինակը:

Ըստ կատարված հաշվարկների` ուղիղ հեռարձակմանը հետևել է 48.290 ֆուտբոլասեր, որոնցից միայն 18.000-ն են եղել Ուկրաինայից, 3.000-ը` Ռուսաստանից, իսկ մնացածը` ամբողջ աշխարհից: Հետաքրքիր է, որ դիտումներ են գրանցվել այնպիսի երկրներից, ինչպիսիք են Մոնղոլիան, Բանգլադեշը, Յամայկան և Նեապոլը: Ուկրաինայի չեմպիոնի խաղին հետևել են նաև Հայաստանից:  

Հավելենք, որ Youtube-ն այդ հնարավորությունն ակտիվացրել է այս տարվա սեպտեմբեր ամսից, որը հասանելի է դեռևս միայն նրա գործընկերներին: