Հայկական կինոն զարթոնք է ապրում

Հոկտեմբերի 22-ին «Մոսկվա» կինոթատրոնում կմեկնարկի Մանկապատանեկան ֆիլմերի 7-րդ միջազգային փառատոնը, որը նվիրված է անկախության 20-ամյակին:

Yerkir.am-ի հետ զրույցում փառատոնի մամուլի պատասխանատու Կարինե Գրիգորյանը նշեց, որ փառատոնի շրջանակներում կցուցադրվեն մանկական, անիմացիոն, կարճամետրաժ, վավերագրական ֆիլմեր:

«Կցուցադրվի մոտ 90 ֆիլմ: Հետաքրքրականն այն է, որ ժյուրիի անդամների հետ երեխաներն էլ կքվեարկեն»,- տեղեկացրեց նա`հավելելով, որ մրցանակներ կտրվեն հետևյալ անվանակարգերով`«Գրան պրի», «Հանդիսատեսի համակրանք», «Խաղարկային ֆիլմեր», «Անիմացիոն ֆիլմեր», «Անիմացիոն կարճամետրաժ ֆիլմեր», «Ես իրավունք ունեմ», «Լավագույն վավերագրական ֆիլմեր», «Ամեն ինչ երեխաների կողմից»:

Փառատոնը կտեւի մինչեւ հոկտեմբերի 26-ը: