Աշունն ուներ իր կինոն

Դահլիճում տեղերի 80-90 տոկոսը զբաղված էր, անգամ  դիտումներ են եղել, երբ ընդհանրապես ազատ տեղ չի եղել. yerkir.am-ի հետ զրույցում նշեց Ազգային կինոկենտրոնի տնօրեն Գեւորգ Գեւորգյանը` ներկայացնելով «Կինոաշուն- 2011» ծրագրի ընթացքը:

Նա տեղեկացրեց, որ ակտիվություն է նկատվել հիմնականում ՀՀ մարզերում կայացած ցուցադրությունների ժամանակ` ուսանողության եւ զինվորականների շրջաններում: «Անգամ Սյունիքում, Կոտայքում, Արմավիրում ենք պայմանավորվածություն ձեռք բերել` կինոդիտումներ կազմակերպելու համար»,- նշեց Գեւորգյանը` հավելելով, որ փորձը ցույց տվեց, որ նախաձեռնությունը միայն ճանաչողական չէ, քանի որ այն մեծ ոգեւորություն եւ աշխուժություն է առաջացնում կինոսերների շրջանում:

Ծրագրի փակումը տեղի կունենա հոկտեմբերի 28-ին: