Ձերբակալվել է 111 հոգի` բանկային քարտերով խարդախություններ կատարելու համար

Նյու Յորքի ոստիկանությունը ձերբակալել է 111 մարդու, ովքեր մեղադրվում են ԱՄՆ պատմության մեջ բանկային քարտերի միջոցով կատարված ամենախոշոր խարդախության մեջ: New York Post-ը գրում է, որ այս հանցախումբը, ընդհանուր առմամբ, 13 միլիոն դոլար է գողացել` 16 ամսվա ընթացքում:

Ձերբակալվածները տարբեր հինգ հանցախմբերի անդամներ են եւ կապեր են ունեցել Եվրոպայում, Ասիայում, Աֆրիկայում եւ Մերձավոր Արեւելքում:

Հանցագործներն օգտագործել են մարդկանց անձնական տվյալները` բանկային կեղծ քարտեր պատրաստելու համար, այնուհետեւ դրանցով վճարել են թանկարժեք հյուրանոցների եւ վարձված առանձնատների համար, գնել են թանկարժեք պլանշետային համակարգիչներ, հեռախոսներ, ժամացույցներ, պայուսակներ:

Հանցախմբի եւս 25 անդամ հետախուզման մեջ է: