Կարապետիչը պատրաստվում է միանալ Կոնգրեսին

Ժողովրդական կուսակցության նախագահ Տիգրան Կարապետյանը yerkir.am-ի թղթակցի հետ զրույցում չի բացառել, որ եթե ՀԱԿ-ն ապացուցի, որ իսկապես վճռական է մինչեւ վերջ տանել պայքարը, «Ազգային ճակատը» եւս կգնա Ազատության հրապարակ ու կմիանա Կոնգրեսին:

Նա նշել է, որ դրական է վերաբերվում ՀԱԿ առաջնորդի կոչին եւ այս անգամ հակված է հավատալ նրան:

Հարցին` ինչո՞ւ հանկարծ սկսեց հավատալ ՀԱԿ-ի անկեղծությանը, եթե մինչ այս առանձնանում էր Կոնգրեսի հասցեին հնչեցրած իր խիստ գնահատականներով, Կարապետյանը նշեց, որ կասկածամիտ էր ՀԱԿ-ի հարցում, քանի որ երկխոսության փորձն ու կառուցողական ընդդիմության դաշտ գալը լավ բան չէին հուշում. «Բայց մենք մտածում ենք, որ այս անգամ իրենք կգնան մինչեւ վերջ, եւ եթե գնան, մենք կմիանանք»: