Քաղցկեղը բուժելու նոր միջոց

Սովորական ցավազրկող դեղերն ու հակավիրուսային դեղամիջոցները կարող են դառնալ օնկոլոգիական հիվանդությունների դեմ պայքարի լավագույն միջոցը. վկայակոչելով The Daily Mail-ին` տեղեկացնում է drugs.am-ը: 

Պարզվում է, որ այդ դեղամիջոցները կարող են «անջատել» մարմնում գոյություն ունեցող այն վիրուսները, որոնք քաղցկեղածին բջիջների ակտիվանալու դեպքում նպաստում են դրանց աճին: Հետազոտությունն իրականացրել են Կարոլինայի ինստիտուտի մասնագետները:

Ցիտոմեգալովիրուսը, որով վարակվում է երկրի բնակչության մոտ 75%-ը, ակտիվանում է այն պահին, երբ այն բացահայտում է քաղցկեղային բջիջները: Համարվում է, որ այս վիրուսը «պատասխանատու» է ուղեղի, կրծքի և շագանակագեղձի քաղցկեղի համար: Բուժելով այդ վիրուսը հակաբորբոքային և հակավիրուսային դեղամիջոցներով՝ հնարավոր է դանդաղեցնել ուռուցքի աճը 72%-ով:

Մասնագետների խոսքերով` այս մոտեցմամբ հնարավոր կլինի կտրուկ դանդաղեցնել ուռուցքի աճը, ինչից հետո քիմիաթերապիայի միջոցով վերջնական բուժել հիվանդին: