Սերժ Սարգսյանի ելույթը լավն էր, բայց...

ՀՅԴ խմբակցության ղեկավար Վահան Հովհաննեսյանը նախագահ Սերժ Սարգսյանի ելույթը լավն է համարում, սակայն նշում է, որ դա ընդամենը ելույթ էր, որից երկու անհրաժեշտություն է բխում: «Առաջին` Հայաստանի իշխանությունները պարտավոր են երկրի ներսում ապահով թիկունք ունենալ ու հրաժարվել մոնոպոլիստական քաղաքականությունից։ Ժողովրդի կյանքը վատանում է, ինչ էլ` հրապարակվի կամ ասվի։ Այն ուղենիշները, որ նախանշված են նրա ելույթում կարող են իրականացվել արդար երկրում»,- ասաց նա` նշելով, որ իրենք չեն հավատում, որ իշխանություններն ընդունակ են դրան:

Վահան Հովհաննեսյանը նաեւ կարեւորեց արտաքին քաղաքականության մեջ փոփոխությունների իրականացումը, մասնավորապես` հայ-թուրքական արձանագրություններից ստորագրությունների հետկանչումը:

«Պետք էր իմաստուն գործել, եւ օգտագործել այն հնարավորությունը, որ տվել էր թուրքական խորհրդարանը` արձանագրություններն օրակարգից հանելով»,- ասաց նա: