ՄԱԿ-ի Անվտանգության խորհուրդը քննարկում է պաղեստինյան հայտը

ՄԱԿ-ի Անվտանգության խորհուրդը սկսել է քննարկել Պաղեստինի` ՄԱԿ-ի անդամ դառնալու հայտը. տեղեկացնում է mignews.com-ը:

Տարբեր աղբյուրներ նշում են, այդ հարցի պատասխանը պետք է սպասել մի քանի շաբաթից, եթե ոչ` ամսից:

ԱՄՆ-ը ավելի վաղ հայտարարել էր, որ դրական որոշման դեպքում կկիրառի վետոյի իր իրավունքը, քանի որ համարում է, որ անկախ պաղեստինյան պետությունը պետք է լինի միայն իսրայելա-պաղեստինյան խաղաղ համաձայնության արդյունք:

Սակայն հակամարտության կողմերը չեն պատրաստվում վերադառնալ բանակցությունների սեղանի շուրջը: Պաղեստինի ինքնավարության ղեկավար Մահմուդ Աբասը հայտարարել էր, որ դա հնարավոր կլինի միայն այն դեպքում, երբ Իսրայելը դադարեցնի Հորդանանի ափին հրեական բնակավայրեր կառուցել եւ համաձայնի Երուսաղեմի բաժանմանը: Իսկ Իսրայելն այդ պահանջները համարում է անընդունելի: