Քոֆի Անանը առաջարկում է վերակազմավորել ՄԱԿ-ի Անվտանգության խորհուրդը

ՄԱԿ-ի նախկին գլխավոր քարտուղար Քոֆի Անանը համարում է, որ անհրաժեշտ է բարեփոխել համաշխարհային կազմակերպությունը, մասնավորապես` Անվտանգության խորհուրդը, որում, նրա կարծիքով, անցյալ դարի 90-ականների աշխարհաքաղաքական կառուցվածքն է դեռեւս արտացոլված. տեղեկացնում է РИА Новости-ն:

«Չի կարելի արդարացնել ներկայիս իրավիճակը, երբ այնպիսի երկիր, ինչպիսին Հնդկաստանն է` միլիարդանոց բնակչությամբ, ձայն ու տեղ չունի ԱԽ-ում: Ինչո՞ւ Լատինական Ամերիկան ոչ մի երկրով չի ներկայացված, ինչո՞ւ Աֆրիկան չի ներկայացված»,- հայտարարել է Անանը` ելույթ ունենալով իր «Interventions: A Life in War and Peace» գրքի շնորհանդեսի ժամանակ:

ՄԱԿ-ի նախկին գլխավոր քարտուղարը համոզված է, որ գերտերությունները պետք է որոշեն, թե ինչ ազդեցությունից են պատրաստ հրաժարվել, որպեսզի նոր անդամներ լինեն ԱԽ-ում: