Հոլիվուդյան դերասաններն էլ խնդիրներ ունեն

15 տարի ամուսնությունից հետո հոլիվուդյան սրտակեր դերասան Անտոնիո Բանդերասը եւ դերասանուհի Մելանի Գրիֆիթը հայտարարել են, որ իրենք էլ ունեցել են նույնքան խնդիրներ, որքան մյուս զույգերը. տեղեկացնում է Mail online-ը:

Զույգն ունի 1 ընդհանուր դուստր՝ Ստելան, որը շուտով կդառնա 15 տարեկան: Իսկ Մելանին իր նախկին հարաբերություններից ունի 2 երեխա` 26-ամյա Ալեքսանդրը եւ 21-ամյա Դակոտան:

«Չի կարելի ձեւացնել երեխաների մոտ, թե ամեն ինչ լավ է: Նրանք խելացի են եւ հասկանում են ամեն բան: Եթե պարզ չխոսել ընտանեկան խնդիրների մասին նրանց հետ, ապա դա կարող է մութ տեղեր թողնել»,- ասել է Բանդերասը:

Նրա կինը՝ Մելանին, առանձին հարցազրույցի ժամանակ պատմել է դեղերից  ու ալկոհոլից իր կախվածության մասին: «Անտոնիոն Լոնդոնում էր այն ժամանակ, երբ ես ամենածանր ժամանակներն էի ապրում: Սակայն նա չափազանց լավ ամուսին է եւ մշտապես իմ կողքին է եղել թերապիաների ժամանակ»,- ասել է նա: