"Հոլիվուդյան հաքերը" 10 տարով ազատազրկվել է

Քրիստոֆեր Չեյնի անունով հաքերը, ով կոտրել էր հոլիվուդյան աստղերի էլեկտրոնային փոստերը, 10 տարվա ազատազրկման է դատապարտվել. հայտնում է France-Presse-ը: Նա նաև պարտավոր է 76 հազար դոլարի տուգանք վճարել:

Ընդհանուր առմամբ` Չեյնիին մեղադրանք էր ներկայացվել 26 կետով, նա պետք է բանտում անցկացներ 121 տարի, սակայն Չեյնին խոստովանել էր իր մեղքը և համաձայնել համագործակցել իրավապահ մարմինների հետ, այդ իսկ պատճառով նրա պատիժը հնարավորինս մեղմացել է:

Չեյնիի գողացած անձնական տվյալները, այդ թվում` լուսանկարներ, հայտնվել էին համացանցում: Նրա զոհն էին դարձել մոտ 50 հոգի, այդ թվում`  Սքարլեթ Յոհանսոնը, Միլա Կունիսը և Քրիստինա Ագիլերան: