ՀԱՅԿԱԿԱՆ ԺԱՄԱՆԱԿ. Երկուսը մեկո՞ւմ

Լավատեղյակ աղբյուրներից հայտնի դարձավ, որ ՀՀ ճանապարհային ոստիկանության նախկին պետ Մարգար Օհանյանը սեպտեմբերի 2-ին կալանավորվելուց անմիջապես հետո տեղափոխվել է ոչ թե «Վարդաշեն», այլ «Երեւան-Կենտրոն» ՔՀԿ:

Թերթի աղբյուրները փոխանցում են, որ «Երեւան-Կենտրոնում» Օհանյանին տեղավորել են այն նույն խցում, որտեղ գտնվում է ՀՀ ոստիկանության քրեական հետախուզության գլխավոր վարչության նախկին պետ Հովհաննես Թամամյանը:

Այդ նույն` երկտեղանոց խցում, ի դեպ, ժամանակին պահվել է «ՀԺ»-ի գլխավոր խմբագիր, նախկին քաղբանտարկյալ Ն. Փաշինյանը:

Նշենք նաեւ, որ թե' Մ. Օհանյանը, թե' Հ. Թամամյանը քաղաքական շրջանակներում հայտնի են եղել որպես Ռոբերտ Քոչարյանի` Ծաղկաձորում «Բուրան» քշելու ընկերներ: