Երկուսը` մեկում

Ներարգանդային պարույրը ոչ միայն պաշտպանում է անցանկալի հղիությունից, այն նաև կարող է պաշտպանել արգանդի վզիկի քաղցկեղից. տեղեկացնում է doctors.am-ը:

Գիտնականների միջազգային խումբը վերլուծել է 26 ուսումնասիրությունների արդյունքները, որոնք ներառում էին 20 հազար կնոջ տվյալներ 14 երկրներից: Պարզվել է, որ եթե կինն օգտագործում է պարույր, արգանդի վզիկի քաղցկեղ ունենալու հավանականությունը նվազում է 50 տոկոսով: Գիտնականները դեռևս չեն հայտնաբերել պարույրի և քաղցկեղի միջև առկա կապը:

«Հնարավոր է, որ պարույրը, լինելով օտար մարմին, խթանում է իմունային համակարգի պատասխանը: Սկսվում է բորբոքում, որը ճնշում է վարակը», - ասում է բժիշկ Հովարդ Ջոնսը` Վանդերբիլդի համալսարանի բժշկական դպրոցի գինեկոլոգիայի և մանկաբարձության ամբիոնի վարիչը: