Դեպարդիեն կարիքները հոգացել է անմիջապես ինքնաթիռում

Հանրահայտ ֆրանսիացի դերասան Ժերար Դեպարդիեն, չսպասելով զուգարանների բացմանը, իր կարիքներն է հոգացել CityJet ավիաընկերության ինքնաթիռում, որը Փարիզից Դուբլին էր թռչում. տեղեկացնում է France Presse գործակալությունը:

Կատարվածի մասին առաջինը տեղեկացրել է Europe 1 ռադիոկայանը, որի աղբյուրը եղել է ինքնաթիռի ուղեւորուհիներից մեկը: Նրա խոսքերով` ինքնաթիռի օդ բարձրանալու պահին Դեպարդիեն ցանկացել է գնալ զուգարան, սակայն ուղեկցորդուհին խնդրել է 15 րոպե դիմանալ` անվտանգության նկատառումներով:

«Այդ ժամանակ նա բարձրացավ բազկաթոռից եւ կարիքը հոգաց անմիջապես գետնին: Ակնհայտ էր, որ նա խմած է: Ուղեկցորդուհին շոկի մեջ էր»,- պատմել է ուղեւորուհին:

Արդյունքում ինքնաթիռի թռիչքը դադարեցվել է եւ հետաձգվել երկու ժամով. այդքան ժամանակ է պահանջվել այն մաքրելու համար:

Ըստ France Presse-ի`ավիաընկերությունը հաստատել է կատարվածը, սակայն հրաժարվել է նշել միջադեպի հետ կապված ուղեւորի անունը: «Մենք չենք մեկնաբանում, թե ով է եղել ուղեւորը: Նրան հանձնել են ոստիկանությունը: Հարկավոր է կապնվել ոստիկանության հետ»,- ասել է ավիաընկերության ներկայացուցիչը: