Տխուր կանխատեսումներ ԱՄՆ տնտեսության մասին

Այն բանի հավանականությունը, որ ԱՄՆ տնտեսությանը «կրկնակի ռեցեսիա» է սպառնում 30 տոկոս է: Նման եզրակացության են հանգել փորձագետները USA Today թերթին տված հարցազրույցում:

Կիրակի օրը հրապարակված հոդվածում թերթը ներկայացրել է 93 առաջատար ֆինանսական փորձագետների եռամսյակային վերալուծությունները: Դրանց համաձայն` երկրորդ տնտեսական անկման շանսերը մեծ են, ավելին` եթե դա տեղի ունենա, հետեւանքները 2 անգամ ավելի վատը կլինեն, քան 2008-ին սկսված ֆինանսական ճգնաժամինն էին:

Փորձագետները նաեւ կանխատեսում են, որ տնտեսության վիճակն ավելի դանդաղ կբարելավվի, քան նախկինում. նրանք խոսում են առավելագույնը 2,5 տոկոս աճի մասին` ապրիլին սպասվող 3,1 տոկոսի փոխարեն: